Orsolya Falus – Macarıstanın Pecs və Dunaújváros Universitetlərinin dosentidir.
Ali təhsilini Pécs Universitetində "İngilis dili və ədəbiyyat" ixtisası üzrə almış, daha sonra həmin universitetin doktoranturasında təhsilini davam etdirmiş və dissertasiya işini müdafiə edərək dövlət və hüquq elmləri üzrə fəlsəfə doktoru elmi dərəcəsinə layiq görülmüşdür.   
2014-cü  ildən  Pecs  Universitetinin.

Müxtəlif illərdə Böyük Britaniyanın Exeter Universitetində, Almaniyanın Bayreuth Universitetində, ABŞ-ın Harvard  Hüquq Məktəbində  tədqiqatlar aparıb, bir sıra xarici universitetlərdə qonaq müəllim  kimi mühazirələr deyib.
1999-2000-ci illərdə Pecs Hüquq Universitetində müəllim, 2000-2003-cü illərdə “Dr. Nagy – Dr. Falus” Hüquq bürosunda hüquqşünas, 2009-2012-ci
illərdə  Kaposvár Universitetinin İqtisadiyyat fakültəsində müəllim və 2012-2015-ci illərdə dosent, 2015-ci ildə Macarıstan Təhsil Akademiyasında Elm və tədris işləri üzrə direktor, 2015-2016-cı illərdə Macarıstanın Tomori Kollecində Beynəlxalq və strateji məsələlər üzrə prorektor vəzifələrində çalışıb.
2016-cı ildən Dunaújváros və Pecs Universitetinin dosenti olaraq fəaliyyət göstərir. “Beynəlxalq Hüquq və Cəmiyyət”, “İdarəetmə və İqtisadi Araşdırmalar”, “NALANS” (Narrative and Language Studies) jurnallarının  Redaksiya Şuralarının üzvüdür.

Bir sıra yerli və beynəlxalq konfransların, simpoziumların, forumların, layihələrin iştirakçısı olub.
Tədqiqat sahəsi üzrə 50-ə yaxın elmi məqalənin müəllifidir.
Belə ki, Orsola Falusun Google Scholar elmi bazasında məqalə sayı 18, h-indexi 2; Scopus elmi bazasında məqalə sayı 4, h-indeksi 1; Web of Science elmi bazasında isə məqalə sayı 1-dir.