Həkimova Yeganə Allahyar qızı 1973-cü il iyulun 13-də Qazax rayonunun Kəmərli kəndində anadan olmuşdur.
1980-1990-cı illərdə Qazax rayonu Kəmərli kənd orta məktəbində təhsil almışdır.
1990-cı ildə Uçot-İqtisad texnikumunu bitirmişdir.
1999-cu ildə Azərbaycan Dövlət İqtisad Universitetinin bakalavr pilləsini;
2002-ci ildə magistratura pilləsini bitirərək, Uçot-iqtisad ixtisasına yiyələnmişdir.
1993-cü ildə əmək fəaliyyətinə İqtisad Universitetinin Mühasibatlıq şöbəsində mühasib kimi başlamışdır.
1996-2003-cü illərdə İqtisad Universitetində baş laborant;
2003-cü ildə “Maliyyə” kafedrasında saathesabı müəllim vəzifələrində çalışmışdır.
2004-cü ildən “Maliyyə” (hazırda “Maliyyə və audit) kafedrasında müəllim vəzifəsində çalışır.
2011-ci ildə İqtisad Universitetinin doktoranturasına daxil olmuşdur. Namizədlik dissertasiya işini müdafiə edərək iqtisad üzrə fəlsəfə doktoru elmi dərəcəsinə layiq görülmüşdür.
Maliyyə-büdcə problemlərinə dair 1 dərslik, 1 dərs vəsaiti, 4 metodik göstəriş və tədris proqramının, 5 elmi məqalənin müəllifidir.
